मलाही एक दिवस पाऊस व्हायचंय

कॉलेजमधून एक दिवस घरी येताना खूप भिजलो आणि घरी पोहोचलो आणि एक विचार डोक्यात आला 

"होय मलाही एक दिवस पाऊस व्हायचंय"

होय मलाही एक दिवस पाऊस व्हायचंय...

पहिल्या पावसासारखं रिमझिम बरसायचंय 

कडीकापारीतून खळखळत वहायचंय

हिरव्या शालुनी धरतीला नटवायचंय 

पानाफुलाशी झिम्मा फुगडी खेळायचंय

होय मलाही एक दिवस पाऊस व्हायचंय...

पोरांच्या किलबिलाटात सामील व्हायचंय

मोठ्यांच्या कोपाचं कारण व्हायचंय

ग्रासलेल्या जीवाना शांत करायचंय 

जीवांच्या मिलनाच कारण व्हायचंय

होय मलाही एक दिवस पाऊस व्हायचंय...

कवी कल्पनेतून कधी कागदावर उतरायचंय

कुंचल्यातल्या  रंगानी कॅनवासवर उमटायचय

गानांऱ्याच्या साथीला, धून बनून गायचंय

होय मलाही एक दिवस पाऊस व्हायचंय...